Астаналық мектеп оқушылары өздерінің құрбыларына көмектесті. Ондаған балалар суреттері санаулы күнде сатылды, ал жиналған қаражат мұқтаж жандарға жұмсалады. Астанада Қазақстан Республикасы Тәуелсіздігінің 25 жылдығына арналған «Гүлдене бер, туған Қазақстан» атты суреттердің қайырымдылық сату көрмесі аяқталды.  «Нұрсұлтан Назарбаевтың білім беру қоры» БҚ-ның, астаналық «Мирас» халықаралық мектебінің және «Мирас» балабақшасының оқушылары сатып алушыларға 80 сурет ұсынды. Олардың ішінде жалпы сомасы 226 000 теңгеге тең 48 сурет сатылды. Әрбір суреттің құны 500 теңгеден бастап және одан жоғары бағаланды.

Осыған дейін бірнеше күн бұрын Алматыда балалар суреттерін осындай қайырымдылық сату көрмесінің өткізілгенін еске сала кетейік. Онда жалпы сомасы 275 000 теңге болатын 23 сурет сатылды. Нәтижесінде, жанашыр азаматтардың және өнер бағалаушылардың арқасында 501 000 теңге жиналды. Ақша «АЯЛА» қайырымдылық қорының «АРT-ТЕРАПИЯ» жобасына Қарағанды қаласының Сарань қаласында орналасқан мүмкіндіктері шектеулі балаларға арналған №5 облыстық арнайы мектеп-интернатының балаларына беріледі. Қазіргі уақытта мектепте ақыл-ойы кем, 5 – 18 жас аралығындағы 81 бала оқиды, олардың науқастануы көп жағдайда іс-әрекеті мен көңіл-күйінің күрт бұзылуымен асқынады. Интернат тәрбиеленушілері қарапайым білімін іс жүзінде әрең қолданады, оларды оқыту үшін арнайы жабдықталған кластар және шығармашылық шеберханалар талап етіледі, сондықтан интернат изостудия бөлмесін ашуды жоспарлады.

  Барлық фотосүреттерді жүктеп