Алматы қаласындағы Н. Островский атындағы зағип және көзі наша көретін балаларға арналған № 4 мектеп-интернатында әлеуметтік-тұрмыстық бағдар бөлмесі ашылды. Ол бөлме тамақ істеуді, үстелге ыдыстар қоюды, пәтерді және атап айтқанда ас үйді жинастыруды, сондай-ақ заманауи тұрмыстық техниканы қолдана білуді үйренуге арналған.

Алғашқы тағамды және тортты балалар «Хабар» телеарнасындағы «Магия кухни» бағдарламасының жүргізушісі – әйгілі шеф-аспаз Роман Дубницкийдің басшылығымен дайындады. Ол балалар үшін шеберлік сабағын өткізіп, тағамда қандай ингредиентті қосуға болатынын, қайсысының артық екендігін айтып берді. Балалар азық-түлік өнімдерін таңдауды, оларды дұрыс турауды үйренді. Сондай-ақ тұздықты қалай жасайтынын білді.

ӘТБ бөлмесіне арналған барлық жабдық, оның ішінде ас үй жиһазы, ыдыс-аяқ, ас үй құралдары, дастархан, майлықтар, орамалдар және ас үйде тамақ істеу үшін қажетті басқа да  заттар  «АЯЛА+SAMSUNG» жобасының шеңберінде сатып алынғанын атап өтеміз. Бұдан басқа, Samsung Electronics компаниясы интернатқа тұрмыстық техниканың толық жиынтығын тапсырды.

 Барлық фотосүреттерді жүктеп