20-12-2019 Алматыда алғашқы Аяз балақайлар парады өтті

Алматыда Аяз балақайлардыңжаңа жылдық алғашқы парады өтті. Мектеп...

Алматыда Аяз балақайлардыңжаңа жылдық алғашқы парады өтті. Мектеп-интернаттардың 100-ден астам балалары би музыкасымен жүргіншілерге көңілді флэш-мобтар көрсетті, оларға келер Жаңа жылға жылы лебіздерімен сыйлықтар тарту етті. Парадты ұйымдастырушы – «АЯЛА» қайырымдық қоры, Алматы қаласы әкімдігінің қолдауымен.

Дәстүр бойынша Жаңа жыл алдында қазақстандықтар балалар үйлері мен мектеп-интернаттардың тәрбиеленушілеріне жақсылық жасауға тырысады – оларға тәттілер сатып әпереді, «Аяз Атаға Хат» жазған балалардың асыл тілектерін орындайды. Оларға мерекелік ғажайып көңіл-күй сыйлау үшін барлығын жасайды.

Алматыдағы Аяз балақайлар парадын ұйымдастырушылар бұл дәстүрді аздап өзгертуді шешті.

«Әрине, біздің іс-шараның басты мақсаты – өз қаламыздың тұрғындары үшін мерекелік жағдай жасау, - деді «АЯЛА» қайырымдылық қорының президенті Айдан Сүлейменова. – Бірақ біз Жаңа жыл мерекесінде көп көңіл бөлінетін және алматылықтардың қамқорлығын көретін мектеп-интернаттардың тәрбиеленушілері өздерінің де сыйлық беруі мен көңіл бөлудің өте жақсы екенін сезгенін қалаймыз. Біздің қор Қазақстанда қайырымдылық мәдениетін қалыптастыруға көмектесуге тырысады. Күнкөрісі төмен отбасылардың балалары іс-шараларға қатысып, айналасындағы адамдарға көңіл бөлуі және жылы лебіз білдіруі олардың қайырымды, ықыласты және жомарт адам болып өсуіне көмектесетініне сенімдіміз».

Аяз балақайлар парады 20 желтоқсанда Панфилов көшесінің жаяу жүргіншілер жағымен Төле би даңғылынан Жібек жолы көшесінің Абылай хан даңғылымен қиылысына дейін жүріп өтеді. Жол бойы балалар тәжірибелі аниматорлардың жетекшілігімен 3 жарқын флэш-моб өткізді және жүргіншілерге Жаңа жылғы жылы лебіз білдіріп, шамамен 2000 мандарин және 500-ден астам тәттілер сыйлады.

«Біз мемлекеттік әлеуметтікоқ уорындары тәрбиеленушілерінің белсенді өмір ұстанымын және өмірлік дұрыс құндылықтарын қалыптастыратын іс-шараларға белсенді қатысуын толықтай қолдаймыз. Аяз балақайлар парадына қатысу балаларға мерекені өз қолымен жасаудың ұмытылмас көңіл-күйін сыйлайтынына, сондай-ақ қоғамнан болашақта одан да көп алу үшін оған қазір бірдеңе берудің міндетті екенін түсінетініне сенімдіміз», - деп атап өтілді Алматы қаласы әкімдігінің Білім басқармасында.  

 Парад аяқталғаннан кейін барлық Аяз балақайларға Zheka’s дәмханасы – осы шараның ыстық тамақ жөніндегі серіктесі донер мен шай береді. Әлбетте, ұйымдастырушылар бұл күннің одан да тамаша және есте қаларлық болуы үшін әр балаға тәтті сыйлықтар береді.   

 

 Барлық фотосүреттерді жүктеп