«АЯЛА» қайырымдылық қоры Алматы қаласының психоневрологиялық аурулары бар мүгедек балаларға арналған интернат-үйіндегі сенсорлық бөлмені жаңа жабдықпен жабдықтады. Бұл жерде пуфик-кресло, «Құс жолы» фиброоптикалық кілемі мен туннелі, «Жыл мезгілдері» декоративтік-дамытушы панелі, құммен сурет салуға арналған жарық үстелі және тағы басқа жабдық бар. Жалпы құны – 1 376 000 теңге. Ал «САТР» орталығы өз есебінен бөлмедегі техниканы жөндеп, босаңсытатын музыкасы бар дискілердің жиынтығын сыйға тартты.

Қазіргі кезде Интернат-үйде 3 – 18 жас аралығындағы 155 бала тұрып жатқанын атап өткен жөн. Олар – жетім және тастанды балалар. Олардың түрлі диагноздары бар. Көпшілігінің ауруы асқынған. Сенсорлық бөлме ағзаның барлық қабылдайтын жүйелеріне әсер ететіні, демек, балаларға өте қажетті керемет терапевтік әсерді қамтамасыз ететіні белгілі.

 Барлық фотосүреттерді жүктеп